محبت دی گول
تیڈی محبت دی گول وچ سیئں اساں تاں گھر کوں بھلا کے آئے ہیں
سکھیں کوں اپنڑی ڈکھیں دی چادر اساں تاں دلبر پوا کے آئے ہیں
اساں ملینگیں دا ویس پا کے خیرات پنڑی ہے تیڈے ناں دی
اساں ملینگیں دا ویس پا کے خیرات پنڑی ہے تیڈے ناں دی
اے تاج بنگلے تے عیش و عشرت تیڈی تاں گول اچ لٹا کے آئے ہیں
متاں کھڈاہیں او ساڈے دل دے ویران گلشن تیں پھیرا پاوے
متاں کھڈاہیں او ساڈے دل دے ویران گلشن تیں پھیرا پاوے
ڈکھیں دے کنڈے ہٹا کے سانول خوشیں دے پھلیں کوں وچھا کے آئے ہیں
میں اینجھا لاغر تھیا ہاں جانی جو میکوں اپنڑا وی ہوش کائنی
میں اینجھا لاغر تھیا ہاں جانی جو میکوں اپنڑا وی ہوش کائنی
خطا وی نئی تھی ولا کیوں رس گئے ہنڑے تاں اوکوں منا کے آئے ہیں
ایں عشق الفت دی راہ گزر دے سونہڑا ہا رستے محال ہوندن
ایں عشق الفت دی راہ گزر دے سونہڑا ہا رستے محال ہوندن
تیڈی محبت دی شرط وچ سائیں اساں تاں تارے لہا کے آئے ہیں
او چھوڑ ویسی سلیم میکوں ایہو ہے چنتا جو مر نا پھواں
او چھوڑ ویسی سلیم میکوں ایہو ہے چنتا جو مر نا پھواں
ہے مرگ بستر تے ونج کے مل آں اوں بے وفا کوں ڈسا کے آئے ہیں
No comments:
Post a Comment